INTERNATIONAL WOMEN’S DAY OF PRAYER HMAN A NI

General Conference program duan International Women’s Day of Prayer – 2024 chu Mizoram hmun hrang hrangah nuho ten March 2, 2024 khan urhsuk takin an hmang. He tawngtai urhsun hunah hian thupui-ah “Ignite Your Prayer Life” (I tawngtai nun kha chhem alh rawh) tih hman a ni.

Mizo Conference Womens Ministries Director Pi Lalsangpuii Renthlei chuan Hnahthial Circle a hmanpui a. Vesper leh Divine Service-ah thusawina hun hmangin, Sabbath chawhnu atanga tanin Sunday nilengin seminar a neih pui bakah, Hnahthial Circle Women’s Ministries-te inthlanna hun a neih pui nghal bawk a ni.

Mizoram hmun hrangh hrangah kohhran-ten he hun hi an hmang bawk a. General Conference Children’s Ministries Director kal chhuak ta Pi Linda Mei Lin Koh in sermon a siamsa behchhanin thusawina hun hman a ni hlawm a. Hmun tamtakah chuan nuho ngeiin sermon thlakin, nuho zaipawl an zai a. Tin, kohhran-ten he hun bik puala tawngtai rualna hun an hmang bawk a ni.