LAY LEADERSHIP TRAINING – 2024

Aizawl leh a chhehvela kohhran hruaitute tana buatsaih Lay Leadership Training – 2024 chu vawiin January 7, 2024 khan Seventh-day Tlang Biak inah neih a ni a. Kohhran hruaitu mi zali chuang zet an kal khawm a ni.

Pastor L. Hmasawna an Devotion hun hmangin bul tan a ni a. Mizo Conference President Pastor Biakzidinga Renthlei hnen atangin thuchah tawi ngaihthlak a ni a. Class hrang hrangah inthenin training neih a ni a. Mizo Conference Department Director leh Officers te Resources Person niin paper an present a. Sawi khawmna hunte neih a ni.

*Upa Lalnilawma* – Church Administration
*Pi Thankimi Colney* – Health Ministries Dept.
*Pastor Lalramnghâka Râltê* – Family Ministries
*Pr Rosânga Chongthû* – Stewardship Dept.
*Pi Lalsângpuii Renthlei* – Women’s Ministries
*Pastor Thangliana Fanai* – Adventist Youth Ministries
*Pastor Malsawma Tochhawng* – Sabbath School Dept.
*Upa Lalbiakdika Râltê* – Church Finance
*Pu Lalmuansânga Khiangte* – Communication Department

Aizawl leh a chhehvela kohhran hrang hrang atanga lokal khawm kohhran hruaitute hian kohhran inkaihruaina atana an duhte sawiin Mizo Conference hruaitute nen sawihona nung tak an nei a. Resource Persons ten an mahni department chan theuhte local church ten an kalpui dan tur leh inkaihruaina te, hmunpui lam nena i dawhzwm dan turte, hmalak dan turte leh hmalam huna an hmachhawpte an present a. A kalten hlawk thlak an tih thu kan dawng a ni.

Kohhranin hmalam huna hmachhawp kan neih hrang hrangte Mizo Conference President in a sawi hnuah Upa Lalnilawma Colney in hun tawp siamin malsawmna in kalkhawmte a tin a ni.

COMMUNICATION DEPARTMENT: MIZO CONFERENCE