MAMA Solfa Zirna

Vawiin, July 14, 2024 khan Mizo Adventist Music Association (MAMA) chuan AYF Serchhip Circle te tan, Khumtung kohhranah Solfa Zirna a buatsaih.

Bial chhunga kohhran hrang hrang leh bial pawn atangin mi 30 training nei turin an lo kal khawm a. Khumtung kohhran, Hualtu kohhran, Rawpui kohhran, Chhiahtlang kohhran atangin leh bial pawn Khawruhlian kohhran atangin training tur hian an lo kal khawm a ni. Tin, Aizawl aṭangin MAMA OB mi pali (4) leh Instructor ten he hun hi an hmanpui bawk. Instructor hi Pastor Chhakchhuak Lalbiakliana a ni.

Zing lam dar 10:30-ah Pastor. R Lalramnghaka’n ṭawngṭaina hun a hmang a, MAMA Vice President Pu Zoremmawia Pachuau chuan inhmel hriattirna-te a neih hnu-ah training tanna neih a ni a. Instructor hian theory leh practical te nen a tih pui nghal zel a. Chawhnu dar 3:15 ah training hi khar a ni.

MAMA hian Mizo Adventist-te rimawi lama hma kan sawn theih nan nasa takin hma a la a. Tunah hian AYF hrang hrangte nen solfa zirna an buatsaih mek zel a. Adventist Hla Bu chhut nawn tur an buaipui mek bakah kumin kum tawpah MAMA Homecoming nei turin an inbuatsaih mek bawk a ni. MAMA hi Mizo Conference Youth Ministries Department kaihhruaina hnuaia (subsidiaries) awm a ni.