MISSIONARY CHHUAK TUR THLAH AN NI

Southern Asia Division ten Andaman & Nicobar Island hmuna Kawl tawng hmangte tana rawngbawlna nei tura Mizo Conference an ngenna chu bawhzui a ni a. Mizo Conference atangin Evangelist Lalrodinga Cherput, Sailutar leh Evangelist Lalliana, North Hlimen te tirh tura ruahmanna siam a ni a.

Vawiin July 31, 2024 khan anmahni thlahna Mizo Conference Committee Room-ah neih a ni a. Pastor R. Biakziding, Mizo Conference President chuan fuihna thu sawiin, hmalam hunah Lalpaa innghat tlat turin a chah a. Tin, Mizote aiawha rawngbawl tura chhuak an nih avangin taima taka thawk turin a chah bawk a ni. Pastor Rodingliana Executive Secretary chuan Pathian hnena hlanin tawngtaina urhsun a hmang bawk a ni.

Evangelist Lalrodinga Cherput leh Evangelist Lalliana te hian an awmna tur panin naktuk August 1, 2024 hian an chhuak ang.