MIZO CONFERENCE 9TH CONSTITUENCY MEETING
Seventh-day Adventist kohhran, Mizoram leh Cachar bial huam chhunga cheng, Mizo Conference of Seventh-day Adventists inenkawlna hnuaia awmte rorel inkhawm Constituency meeting chu February 21- 24, 2024 khan neih a ni. Kum nga dana rorel inkhawmna neih thin hi a vawi kua na a ni a. He rorel inkhawmpuiah hian “Hnung lam hawi kir lovin” tih thupuia hman a ni.
Helen Lowry Aditorium, Seventh-day Tlang Aizawlah he rorel inkhawm hi neih a ni a. Mizoram chhunga kohhran tin atangin kohhran aiawh leh kohhrana hnathawktu (Mission Worker) te atangin rorel palai mi zali sawmhnih pakhat an lo kal khawm a ni.
He rorel inkhawm vawi kuana (9th Constuituency Meeting) ah hian kum nga liam ta a kohhrante rawngbawlna thlir letna neih a ni a. Kum nga dang lo awm leh tura kohhrante rawngbawl dan tur thlir lawkna neih a ni bawk. Tin, kohhran hruaitu tur hrang hrang President, Executive Secretary, Treasurer leh Department Director-te thlan chhuah an ni.
Kum 2024 – 2028 inkara kohhran hruai turin hruaitu thar thlan chhuahte chu heng mite hi an ni.
President – Pastor Dr. Biakzidinga Renthlei
Executive Secretary – Pastor Rodingliana
Treasurer – Upa Lalbiakdika Ralte
Department enkawltur Department Director te-
Pastor Thangliana Fanai
- Sabbath School & Personal Ministries
Pastor Rosanga Chawngthu
- Stewardship
Pastor R. Lalramnghaka
- Youth Ministries, AWR & Communication
Pu Lalmuansanga Khiangte
- Associate Director, Youth Ministries, AWR & Communication
Lalthangmawii
- Childrens Ministries & Health Ministries
Pastor Rohlua Fanai
- Family Ministries & Nurture & Rentention
Upa Lalnilawma Colney
- Education Department & Publishing Department
Pi Lalsangpuii Renthlei
- Womens Ministries Department & Shepherdess
February 21, 2024 zan dar ruk atangin he inkhawm hi tanna neih a ni a. Mizo Conference President, Pastor Biakzidinga Renthlei hnen atangin thuchah ngaihthlak a ni a. A ni hian kohhran member-te chu Pathiana an rinawmna avangin lawmthu a hrilh a. Hun lo la kal leh zel turah Pathian tana nasa lehzual zawka rawng bawl turin kohhrante a sawm bawk a ni. Adentist Choir ten fakna hla sa-in rawngbawlna hun an hmang bawk a ni.
Sermon inkhawm neih zawhah hian rorel tura lokal palaite hming lamna neih a ni a. Upa Lalnilawma Colney, Executive Secretary chuan he hun hi kaihruaiin Consitution & by laws te pawmpuina hun hman a ni nghal bawk. Tin, he hunah vek hian Seventh-day Adventist Fundamental Belief Mizo tawnga lehlin chu endik a siam that a nih hnuin chhut nawn leh a ni a, hei hi tlangzarh nghal a ni.
Mizo Conference 9th Constutuency hmang tur hian Southern Asia Division atangin President Pastor Ezraz Lakra, Northeast India Union atangin President Pastor Tawkthanga, Executive Secretary P. Passi leh Treasurer Wungreio Shimray te an lo kal a. An ni bakah hian State pawna kohhran hnathawktu Mizote sawm an nih angin Tripura Region, Garo Section leh Notheast India Union atangin thawktu mi engemawzat an lo tel bawk a ni.
9th Constituency Meeting report a a lan danin Mizo Conference of Seventh-day Adventist huam chhungah hian kohhran hnathawktu 207 a awm a. Ordained Pastor 33 an awm bawk. Baptisma member 19204 an awm a.
Kum 2019 – 2023 chhung khan Biak In 34 sak zawh a ni a. Pastor Quarters 13 sak zawh a ni bawk a. Report dangte chu a hnuaia mi ang hi a ni.
Organized Church – 83
Company Church – 41
Isolated Congregration – 191
Sawmapakhat – 5,198,16,195/-
Dan thianglima Innei – Tuak 121
Mitthi – 241
Lay Preacher – 12
Nau Hlan Zat – 1470
Mission School – 4
Church School – 17
College – 1
Missionary thawk mek – 47
AYF Member – 4275
9th Constituency Meeting hian Administrative Committee leh Executive Committee member turte a ruat bawk a. An ni hi Dt. 25/02/2024 khan an thu khawm nghal a. Hnathawktu Transfer & Posting bakah kohhran Institution hrang hrang hotu turte an ruat thar a, kum nga dang lo awm tur atana sub-committee hrang hrang member tur an ruat nghal bawk a ni.
