Zirlai-10 2024 2nd Quarter Junior Zirlai

 JUNE 8, 2024

ZIRLAI 10–NA                                                                                      

PATHIAN RÂLTHUÂMA INTHUÂMIN

CHÂNGVAWN: “Chuvângin, ni \ha lovah chuan in do zawhna tûr leh, in tih zawh vek hnû pawha in din theihna tûrin, Pathian râlthuam famkimin inthuam rawh u.” (Efesi 6:13).

Chhiâr Tûr: Efesi 6:10-18; Tirhkohte Thiltih, bung 49, pp. 498-508; The Bible Story (1994), Vol. 10, pp. 135-138; Kan Thurin Bulpuite, No. 1, 10, 11.

Chakna Thû: Amâ râlthuam kan inbelin Pathian chibai kan bûk a ni.

Zirlâite Puâl: Pathian laka tihrang tûr chein Setanan a thlêm fuh viâu che angin i inngai tawh ngai em? Engtin nge a beihna che lakah i invên him theih ang le? Chutiang chungchânga Pu Andew-a Bible zirtîrna hi in ngaithla dâwn teh ang u hmiang!

TREVOR-a chuan, “Kha kha eng nge ni? “ a ti a. “Eng nge a an?”

Trevor-a chuan nêm têa chhân a tum tlat a. Chhânna fing dang a awm thei em? “Ka hre lo le,” a ti a. Mr. Andrews chuan blackboard-a thil lem ziah chu a zo va. Chalk chu dahin a kut chu a inbêng fâi a.

“Hei hi eng rannung lem nge hria in awm em?” tiin a zâwt a.

Marianne-i chuan, “Chungu lem a ni em?” a ti a.

Matthew-a chuan, “Laikîng em ni?” tiin a zâwt a.

Mr. Andrews chuan, “A ngaihna in hriat theih nân ka’n \anpui dâwn teh ang che. Khawvêla lemziah thiam ber chu ka ni lo tih in hriat tawh kha,” tiin a chhâng a. Nui \hen \hâ chung chuan zirlaite hnênah, “Sumsi kâwr nei lo lem a nih hi,” a ti a.

Trevor-a chuan nui rah rah chung hian, “Chutianga ka lo ngaihtuah lo chu mak ka ti hlê mai,” a ti a.

Class pum pui chu an nui hluah hluah a.

Mr. Andrews chuan, thil ti zui mawlh mawlh chung chuan, “Ni mâw, sumsi kâwr nei lo i lo la hmu ngai lo a nih tak chu. Ngati nge i hmuh loh?” a ti a.

Marianne-i chuan uâr deuh tak hian, “Kâwr tel lo vin sumsî a nung thei hlei nêm!” a lo ti a.

Mr. Andrews pawh chuan, “Niâ, a thei lo. Sumsî hi rannung chak lo vê tak hi a ni a. A che muâng sî. Inhumhimna pawh a nei lo. A invênhim leh nun theih nân a kâwr chu a rinchhan rêng a ni,” a lo ti vê a. Mr. Andrews chuan ngâwi deuh vang vang chungin pindan chhûng chu a’n melh kuâl a. “Chû tak chuan vawiina kan Bible zirlai hi min hriat chhuahtîr tlat mai,” a ti a.

“Kristiante leh sumsî hian inanna tak kan nei a.” Trevor-a leh Matthew-a chu an inmelh ralh ralh a. Mr. Andrews chuan a Bible a kêu va. A’n chhiar zui a.

“Diabola ngamthlêmnate chu in do zawh nân Pathian râlthuam famkimin inthuâm rawh u.” (Efesi 6:11).

Mr. Andrews chu a’n hawi chhuak a. “Bible-in Diabola chungchâng a sawi hria in awm em? Ani chu ……… angin a vâk vêl \hîn”

Matthew-a chuan a bân phar chhuakin, “Ka hria! Ka hria!” a ti a. “Sakeibaknei hâhum angin a seh theih tûr a zawngin a phî chung \hîn!” a ti a.

Mr. Andrews chuan, “Chû chu Bible-in min hrilh dân a ni. Keini hi Diabola han ngam thei ziâzâng kan ni lo tih min hrilh a. Sumsi kâwr nei lo ang lek kan ni,” a ti a.

Marianne-i chuan, “Mahse, Pathianin râlthuam min pê a. Ani chuan min vênghim tlat a lâwm,” tiin a lo sawi vê thung a.

Mr. Andrews chuan pawmpui tak hian, “Ni chiah mai!” a lo ti a.

“Pathian râlthuâm chuan min khuh vek a. Kan lû khuhna tûrin chhandamna lukhum min pê a. Taksa vênhimna tûrin A felna thuâm min bel bawk a. Kawnghrên rinawm atân thutak min pe bawk a. Ani chuan A remna chanchin \ha hmangin kan kête min vênhimsak a. Kan taksa pêng khawi lai mah hi dinhmun hmun hlauhawma awmtîr A phal lo a ni. Efesi 6 enin, phâw atân eng nge min pêk zawng hmu teh u,” a ti a.

Trevor-a chuan, “Ka hmû e! Hê thilte bâkah hian, rinna phâw chu lâ ula, chumi hmang chuan mi sual pâ thal-alh theite chu in timit theih ang,” (châng 16) tih chu a chhiar a.

Mr. Andrews chuan kâwk chungin, “Chû chuan Setanan thal-alh thei hmangin min kâp \hîn tih min hrilh a. Chutiang chuan a ti dâwn tih min hrilh a ni. Mahse, min vênghim tûrin Pathianin phâw min pê a. Kan hmêlmapa nêna kan inkâra invênhimna thuah hnih a ni. Phâw leh thuâm kan inbel chu. Pathian râlthuâm 65 kan inbel loh chuan eng ang taka dinhmun châu ngê kan nih ang han ngaihtuah chhin teh u!” a ti a.

Mr. Andrews chuan, “Hei tak hi hre reng tûrin ka duh che u a ni. Indo mêk kan ni a. Keimahni ngawt chuan chakna leh thiltihtheihna rêng kan nei lo va, Diabola nêna inbeihna mualah hian a tlâwm zâwkah kan \ang ngêi ang,” tiin a sawi zui a.

“A chiang tâwk hlê a ni. Mahse, Pathianin min pêk râl thuam kan inbel phawt chuan hnehna kan chang ngêi ngêi dâwn a ni. Engtik hunah pawh. Rinhlelh tûr rêng a awm lo. A chhan chu Amah chuan hnehna a lo chang tawh sî a.”

Matthew-a pawh chuan, “A dawt leh hi chhinchhiah teh u. |awng\aina leh dîlna tin rêngin eng hun pawha Thlarauva \awng\aiin, chu mi kawngah chuan mi thianghlim zawng zawng tân \hahnemngai tak leh dîl tlatin ngaihven rawh u,” (châng 18) tiin a lo belhchhah a.

Mr. Andrews chuan hlim hmêl pu chungin Matthew-a a’n en a. “Ni chiah! I sawi dik lutuk!” tih pah chuan an class pum pui chu a’n melh kuâl a. Uâr deuh takin a bân chu a phar chhuak a. “Ka sumsi tê hmanga ka sawi duh chu chû mawlh chu a ni! |awng\ai, \awng\ai, \awng\ai! Hmêlmapa nêna thlarau lam thila kan inbeihnaa kan inhumhimna dik awm chhun, Pathian râlthuam inbel reng \hîn ang u,” tiin a chah a.