Zirlai-11 2024 2nd Quarter Junior Zirlai

JUNE 15, 2024

ZIRLAI 11–NA

INTHLUNZAWM TLÂNG

CHÂNGVAWN: “I hnênah lâwm thû ka hrilh ang che; hlauhawm tak leh mak taka siam ka ni sî a; I thiltihte hi mak tak a ni a; chû chu ka nunna hian a hre chiang hlê a ni.” (Sâm 139:14).

Chhiâr Tûr: Genesis 1:26, 27; 2:7, 18; Sâm 139:1-18; Kristâ Tehkhin Thûte, bung 25, pp. 339-342, 353, 355; Tihdam Rawngbâwlna, bung 18, pp. 241-258; The Bible Story (1994), vol. 1, pp. 39-41; 47-50; Kan Thurin Bulpuite, No. 2, 10, 11.

Chakna Thû: Amâ \hian kawm ni tûra min siam avângin Pathian kan fak.

Zirlâite Puâl: I thluâk kha ruâk deuh huâi anga hriat chângte i nei tawh ngai em? Chutiang chu kan rilru ngaihtuahna a buai châng te, thinrim leh hlauh châng emaw tein a awm tehi. Eng nge a chhan ni tûra i ngaih? Tûn kâr chhûng hian a chhan hmuhchhuah kan tum dâwn a ni.

SHEILA-i chu hmanhmawh taka an class-a lo lûtin, a thilte chu a \hutna hnuaiah chuan a thawlh a. Dâr a lo rîk chuan inbêng thak thak chungin a \hu nghâl a.

Zirlai dangte chu hmanhmawh taka class-a lo lûtin a lehkhabu ken lai chu an sut thlâksakin, an chîl zui a. Tû mah lah chuan \anpui pawh an tum bawk sî lo.

Pâwl sariha an English zirtîrtu, Pi Rubin-i chuan, “Sheila, hê thu changkim hi board-ah han \hen fel thliah thliah teh,” a ti a.

Sheila-i chuan board lam pana a kal laia a thinlung phu dup dup rî chu mi tinin a hre thei ni hialin a hria a. Kut khûr chungin chalk chu a’n lâ a. Chutah a che thei ta hlek lo mai. A rilru ngaihtuahna chu a ngawng vek mai a ni.

Pi Rubin-i chuan, “Kan lo nghâk che a niâ, Sheila,” a ti a. Chutah ani chuan, “|hu leh mai rawh. Mi dang ka tihtîr mai ang,” a ti a.

Sheila-i chuan thâwk pawh thaw \ha thei lo ni mai hian a inhria a. A biang a lo sen \âwn \âwn a. A thaw hleithei lo zui a. A beng chhêt a deuh mulh a. A mittui parawl \euh avâng chuan a khaw hmuh a fiah lo va. Chalk la keng reng chung chuan mangang takin a seat-ah chuan a \hu hnawk a. Pi Rubin-in thil inhriat siak tûr a sawi eng mah chu a hre mûmal lo zui vek bawk a.

Television te, stereo te, leh computer ang bawkin, mihringte pawh hi khawhmuh leh \awng theihna nên hian an inthlunzawm vê vek a ni. Hêng electronic hmanruâte ang lo tak hian keini chu kan rilrû nên lama thlunzawm kan ni a. Kan rilru sûkthlêk leh kan thluâk hi a inzawm tawn a ni.

Thil eng emaw chungchânga kan rilrû a phûr emaw, buâi emaw a nih chuan, kan thluâk hian, “Hei hi ka hriat reng a ngai,” a lo ti vê \hîn a.

Keini hi a huhova chêng tlâng tûra siam kan ni a. A \ha zâwnga inbe tawn tûra duân kan ni bawk. Chutiang a nih avâng tak chuan nausên pawh an nû leh pâten an pawm, an kuah, an biak lûmlâm leh chhaih fote chu an \hang chakin thil an zir hmâ bîk \hîn a ni. Hlamchhiah leh tihnawmnah tuârte erawh chu chutiang an ni vê lo tlângpui. I ngaih dân leh rilrûte inhawng taka i sawi chhuah ngam leh hrilh vê theihnate nêna thil in zir chuan, mahni ngawta zir ang chuan thil i hre reng thei zâwk dâwn a ni.

Thluâk leh taksa hi pum khat an ni a. Pakhat chunga thil thleng chu a dang chunga thleng ang tho a ni. Test neihnaah i tih chhiat viâu \um kha ngaihtuah la, class chhûnga inhniâl chiâm emaw, i thil lo hriat tâk zawng zawngte theihnghilh leh vek ang chîte pawh. Chutiang huna thil inzawh tûr \henkhat chu:

Tui ka in tam tâwk em? Chaw hrisêl ka ei em? Taksa sâwizawina ka nei em? A hun takah zân ka mû em? Chutiangah chuan chhânna duhawm i nei vek a nih chuan, a danglamna i hmu ngêi ang.

Thluâk hian thil i lo tih tâkte leh a taka paltlangte chu a hre reng \hîn a. Tûn hnâi deuh lawka thil hriat reng tlâk zirna nuntawng i neihte ngaihtuah la.

Eng nge i tih a? Eng rilrû nge i put? Eng chu nge i zir chhuah? Mi dangte hnênah i hrilh fiah vê thei em? Engati nge chutiang chu nia i rin? Pathian min ruâhman lâwk dân chuan, kan thluâka bengvârna thil kan thun dân kawng a tam poh leh kan manthiamin kan hre rei zâwk \hîn a ni.

Genesis 1:26, 27 leh 2:7-ah heti hian kan chhiar, “Pathianin, ‘Kan anpuiin, keimahni ang takin mihring siam ila, anni chu tuifinriata sangha chungah te, chunglêng sava chungah te, ran chungah te, lei chung zawng zawngah te, rannung leia bawkvâka kal zawng zawng chungah te thû i neihtîr ang u,’ a ti a. Tichuan Pathianin amâ anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam a ni.

“Tichuan LALPA Pathianin leia vaivutin mihring a siam a, a hnârah chuan nunna thâw chu a thaw lût a; tichuan mihring chu mi nung a lo ni ta a.”

‘Pathian anpuia siam’ tih chu eng nge ni a awmzia? A awmzia chu Pathianin hmangaih leh ngaihtuah thei, chhia leh \ha hriatna hmang theiin min siam tihna a ni. Hêng thil zawng zawngte hi Pathian leh mi dangte nêna kan inlaichînna nêna inthlun zawmin min siam tihna a ni. Entîr nân, Genesis 1-ah Pathianin, “Kan anpuiin, keimahni ang takin mihring i siam ang u,” a ti a tih hi chhinchhiah la. Heta kan a tih hi Pathiana Mi Pathum: Pâ, Fapa leh Thlarau Thianghlim, Pathum inpumkhat chu a sawina a ni.

Anni hi thawk ho chu an ni nâin, hna chanvo an nei hrang \heuh thung a. Pheikhawk siamtu kompani hi lo ngaihtuah ta ila. An mi rawihte chuan hna chanvo an hei hrang hlawm a: pakhatin a chhuâtphah a siam a, pakhatin a chung lam a siam thung a, mi dangin chûng chu an lo rem khâwmin, an \hui khâwm vê thung a, mi dangin dâwrah an lo zuâr chhuak a, mahse an zâ chuan kompani hna pawimawh an thawk \heuh sî a ni. Pheikhawk hralh chhuak tûrin hna chanvo bil an nei \heuh a nih chû!

Keini pawh khawsa tlâng, thawk ho, zir leh infiâm tlâng tûra kan entawn atân Pathiana Mi Pathumte chu an lo thawk tlâng a ni. Engati nge Pathianin (Genesis 2:18-ah) ‘Mihring amah chauha a awm hi a \ha lo ve?’ a tih nia i rin? A chhan chu, keini hian Pathian leh mi dangte kan hmangaih a, inrem tlâng taka kan khawsak hona a\anga hlim leh lâwmna chang tûra min siam vâng a ni!