2024 3rd Quarter Zirlai 2-na
Zirlâi 2
*July 6–12
Isua Rawngbâwla Thil Thleng
Sabbath Chawhnu
Chhiar tûr: Marka 1:16–45, Johana 1:29–42, Marka 5:41, Luka 6:12, Leviticus 13.
Chângvawn: “Tin, Isuan an hnênah, ‘Mi zui rawh u; tichuan, mihring mantu-ah ka siam ang che u’ a ti a” (Marka 1:17).
Chanchin |ha bu hrang hrangte hian Isua rawngbâwl \an dân an ziak \heuh a; mahse, an ziah dân erawh a inang diak diak lo thung. Matthaia chuan Isuan zirtîrte a koh thu sawi hmasa berin, chumi hnu chuan tlâng chungah thu a sawi ta niin min hrilh a.
Luka ziak kan chhiar chuan, Sabbath ni a lo thlenin Nazareth khuaa inkhâwmna inah Isuan thu a hril thu kan hmu hmasa ber ve thung.
Hetih lâi hian Johana chuan Isua zirtîr rawn ni hmasate koh an nih thu leh Isuan chhinchhiahna a lantîr hmasak berna hmun Kana khuaa inneihna chanchin a sawi a.
Chutih lâiin, Chanchin |ha Marka ziak erawh hi chuan zirtîr pali-te koh an nih thu sawi hmasa berin, Kapernaum khuaa Sabbath a hman dân min hrilh leh a, chumi zawh chuan a hnua thil thleng hrang hrangte pawh a ziak ta a ni.
Marka lehkhabu tîr lama “Isuan Sabbath a hman dân” kan hmuh a\ang hian Isua hi tu nge ni a, eng ang mi nge a nih tih chu kan lo hre thei mai âwm e. Tûn kâr zirlâi innghahna Bible châng hrang hrangahte (Marka 1:16–45) hian Isua thil sawi kan hmu tam lo hle a. Kan hmuh chhunte chu: zirtîr ni tûra sangha mantu pali-te a koh thu te, ramhuai hnêna thu a pêk thu te, khaw dangahte pawh kal zêl a tum thu te leh a tihdam tâk phâr pakhat hnêna a lo thianghlim theihna tûra puithiam hnêna va inentîr tûra a hrilh te kha a ni. Hemi bunga a sawi uar duh ber chu Isua thiltihte kha niin, chutah pawh mi a tihdam thu hi a ni leh zual bîk nghe nghe. Marka hian nghâl tih \awngkam a hmang ngun hle a, a chhan pawh Isua khân rawng a bâwlin a bual thuai thuai \hîn a ni tih hria se min duh vâng a ni ang.
*Study this week’s lesson to prepare for Sabbath, July 13.
July 7
Sunday
“Mi zui rawh u”
Marka 1:16–20 chhiar la. Isuan zirtîr ni tûra a kohte hi tute nge ni a, chu mite chuan engtin nge an lo chhân?
Marka 1-ah hian Isua thu sawi kan hmu tam lêm lo va. Amaherawhchu, Marka 1:17 hian sangha mantu pahnih, “Petera” tia an la koh tûr Simona leh a unaupa Andria te hnêna thu a sawi min hrilh tlat mai. He mite unau hian Galili dîl kamah lên an lo dêng mêk a.
Lawnglêng an neih thu leh sangha manna chi hmanraw dang eng emaw an neih thu sawi lan a nih loh dân a\ang hian sum leh pâi lamah an chu lua lo a ni ang tih a rin theih. Marka 1:19, 20 kan chhiar chuan, Isuan zirtîr ni tûra a koh ve tho Jakoba leh Johana te kha chu an pa leh Zebedaia leh a hlawhfa rawihte nên lawngah lên siam \hain an lo awm tih kan hmu ve thung a. Anni uanu hi chu Petera leh Andria te unau âi ngawt chuan an awm thei zâwk a ni ngei ang. Luka ziak kan chhiar phei chuan Petera hian ama pualin lawng pawh a nei lo niin a lang a, an unau hian Jakoba leh Johana te lawng an \âwm ve mai a nih hmêl (Luka 5:1–11 en la). Nimahsela, Chanchin |ha Marka ziak hian a sawi tum ber chu lawng neih leh neih loh chungchâng ni lovin, chhûngkaw pahnihte dinhmun inan loh thu zâwk niin a lang a. Hêng chhûngkaw khawsak inang lo tak pahnihte a\ang hian Isua chuan khawsak harsa deuhte leh awm thei deuhte pawh zirtîr ni tûrin a ko vek a ni tih kan hre thei âwm e.
Isuan hêng mite a koh dân hi a chiangin, a fiah êm êm mai hlawm a; tin, a koh rual hian an thawh tûr pawh an lo hre nghâl vek thei bawk ang. Amah zui tûrin a ko va, a awmzia chu, a zirtîrte ni tûrin a sâwm tihna a ni. A kohna chu an chhâng a nih chuan, sangha ni lovin, mihring zâwk man dân a lo zirtîr dâwn tih pawh a hrilh nghâl bawk.
Hêng mi pali-ten an thil neihte kalsana Isua an zui nghâl mai theih chhan hi eng nge ni ang (Marka 1:16– 20)?
Hêng mi pali-te koh an nih dân hi Chanchin |ha Johana ziakah chiang zâwkin kan hmu a (Johana 1:29–42). A hma chuan Petera te unau hi Baptistu Johana zirtîrte an ni a, Johanan Isua chu “Pathian Berâmno, khawvêl sual kalpuitu tûr a ni” (Johana 1:29) tia a lo sawi \hin pawh kha an hre ngei ang. Jordan lui kamah hian Isua chu hmu-in, a bulah pawh rei vak lo chu an awm khawmuang ngeiin a rinawm a. Chutiang chu a nih avângin, rawngbâwl tûra Isuan a kohna an lo pawm pawh hi an fiamthu emaw, an tider emaw ni lovin, ngun taka an ngaihtuah hmasak phawt hnua ti ta an ni.
Nimahsela, eng vângin nge Marka hian chipchiar deuh hlekin a ziah ve si loh le? Isua thiltihtheihzia, kohna a siamin mi a hneh \hinzia sawi uar a duh a ni maithei e. Kohna a siam a, chu kohna chu a chhâng duh hêng sangha mantu pali-te hian an lo chhâng a, an chhân tâk hnu chuan anmahni nun leh khawvêl pawh a lo danglam ta vek mai a ni.
Isua i zui theih nâna i sim emaw, i kalsan emaw ngâi eng thilte nge awm? (I chhânnain a huam tel leh khawih theih thilte ngaihtuah ang che).
July 8
Thawh|anni
Theihnghilh theih tawh loh inkhâwmna chu
Marka 1:21–28 chhiar la. Kapernaum khaw inkhâwmna ina theihnghilh theih tawh loh tûr thil thleng chu eng nge ni a, chu thil thleng a\ang chuan thlarau lam thutak eng engte nge kan chhar chhuah theih ang?
Kristiante zînga a tam zâwk daihte hi chuan Kristian nun kawng kan zawhna lamah kan theihnghilh theih tawh ngâi loh tûr thil eng eng emaw kan lo tawng tawh hlawm ngeiin a rinawm. Isua zui tûra thutlûkna kan siam te, baptisma kan chan ni te, Pathian awmpuina kan chang ngei a ni tih kan lo hriat phahna sermon ropui tak kan ngaihthlâk \um te te kha kan la hre reng hlawm ang a. Chûng zînga \henkhat phei chu kan theihnghilh theih tawh ngâi loh tûr a nih mai bâkah, kan nun thlâk danglam hlawktu pawh a ni nghe nghe bawk âwm e.
Chutiang chu Sabbath nia rawn inkhâwm Kapernaum khuaa mite thil tawn pawh hi a ni maithei. “A thu zirtîr chu mak an ti hle a; a chhan pawh lehkhaziaktute ang lova, thuneihna nei âwm taka anmahni a zirtîr avângin a ni” (Marka 1:22, NKJV). Isuan a zirtîr mawlh mawlh lâi hian, ramhuai bawhhlawh pâi mi pakhat lo awm ve chu, Isua thu zirtîr thiltihtheihnain a chawh thawh avângin, “Nazareth Isu, engtia min tih nge i tum? Min tiboral tûrin i lo kal em ni? Tu nge i nih kan hria asin—Pathian Mi Thianghlim i nih kha” (Marka 1:24, ESV) tiin a au ta vak vak mai a. Nimahsela, a kawchhûnga ramhuai awmte chu Isuan a hnawt chhuak ta a ni.
Ramhuaiin thil a sawite hi eng nge a awmzia ni le?
A hmasa berin, ramhuai hian Isua chu “Pathian Mi Thianghlim” a ni tih a hria a. Isua chu Pathian tirh palâi thianghlim, Setana tirhkoh bawlhhlawh tak takte dotu a ni tih pawh a pawm bawk. Pathian chibai bûk inkhâwmnaah chuan thil thianghlimte leh mi thianghlimte chauh awma tel tûr niin kan ngâi \heuh a, thil thianghlim lo leh thil bawlhhlawh rêng rêng chu lâk luh kan duh ngâi lo. Chutiang chuan, he thawnthu-ah hian thil \ha leh thil sual inan lohzia chiang takin a lo lang a. Indona ropui chu a taka thleng ngei a ni tih pawh kan hmu thei bawk. Hemi \uma inkhâwm ve \henkhat hi chuan Isua kha tu nge a ni tih an la hre lo pawh a ni mai thei a; nimahsela, ramhuaite chuan an hre chiang hle pawh ni mai lovin, an hriatzia an puang chhuak nghe nghe a ni.
A pahnihnaah, a pâitu kawchhûng a\anga chhuak tûra thu a pe hi chu a hriat thiam theih mai a; mahse, eng vângin nge “Ngâwi la” tih thu hi a sawi tel kher le? Hetah hian a vawi khatna atân Isuan a tih fo pakhat kan hmu a, chu chu tu nge a nih tih chungchâng puangzâr lo tûra mite hrilh a ni. Hei hi Bible zir mite chuan “Messia Thurûk” tiin an sawi.
Isuan tu nge a nih tih sawi lo tûra mite a hrilh chhan hi a hun lâia miten Messia an beisei dân dik loh vâng a ni a. Hetih hun lâia politics inlûm leh dân, Messian an lo beisei dân enin messia nih kha a hlauhawm thei tlat a; ngawih chuh rih mai a finthlâk ang. Chutih rual chuan, a nihna sawi lo tûrin mite hrilh \hîn mah se, a nihna dik tak puan chhuahna erawh a awm fo tho bawk a. Hun lo kal zêla lang chiang chho zêl tûr chu, Isua nihna hi thup tak tak theih a ni lo tih leh, tu nge a nih rêng tih hi chanchin \ha thuchah laipui ber leh pawimawh ber a la ni dâwn tih te hi a ni a. Isua hi tu nge ni tih kan hriat a \ûl mai bâkah, khawvêla a lo kal hian kan tân eng nge pawimawhna a neiha, engtin nge kan lo chhân dâwn tih thu-ah thutlûkna kan siam pawh a ngâi bawk a ni.
Mi dangte hnêna chanchin \ha hrilh dân tûr kan ngaihtuah hian, “tûn hun atâna thutak” chungchânga kan rin dân hi a kip a kâwia sawi vek kher loh a \ûl hun a awm thei ang em?
July 9
Thawhlehni
Sabbath nia rawngbâwlna dang
Marka 1:29–34 chhiar la. Engtin nge Petera te chhûngkua hi Isuan a \anpui? He thawnthu a\ang hian thlarau lamah eng zirlâite nge zir chhuah theih awm?
Inkhâwmna mak leh hriat reng tlâk an neih zawh hnu khân Isua chu a zirtîr mi tlêmtê-te (Petera, Andria, Jakoba leh Johana) nên Petera te inah châwl hahdam tûrin an lût a, \hian hova inkâwm khâwm pahin chaw ei khâwm an tum a nih hmêl.
Nimahsela, in chhûng an han lût chiah chu ngaihven loh theih loh thil an hmu nghâl a: Petera nupuia nu chu khawsikin a lo na hle mai a, hetih hun lâia khawsik nei rêng rêngte chu \hat lam an pan a nih loh vêk chuan a thi nge nge mai \hîn. Isua hnênah hian a chanchin an lo hrilh nghâl a; tichuan, Petera pizawn damlo kut chu va chelhin, a kâi tho ta a. A dam hi a chiang âwm hle mai, a khawsik a reh rual rualin an inlêngte ei tûr a siamsak nghâl thei nia le! Ni e, Isuan a chhandam, a tihdamte chu an dam chiang êm êm \hîn hlawm a, an dam rual rualin mi dangte tihdam hna, chhandam hna an thawk chhunzawm ve nghâl fo rêng a ni.
Marka lehkhabu-ah hian Isuan damlote taksa a khawih a, an na a lo dam tâk thu kan hmu tam hle a (Marka 1:41; Marka 5:41). Chutih rual chuan, a khawih lova damna chang ve tho pawh a awm nual bawk niin a lang (Marka 2:1–12, Marka 3:1-6, Marka 5:7–13).
Hemi ni hian Petera pizawn lo pawh mi dang tihdam tûr a la nei \euh a. Ni a tlâk hnu chuan damna beiseiin Petera inah hian mi tam tak an rawn kal a. Hêng mite hian inkhâwmna ina thil thleng kha an hmu a; tin, hmu ve chuang lo, mite sawi a\anga lo hre chhâwng ve pawh eng emaw zât an awm ang. Chanchin |ha ziaktu Marka hian Petera ina lo kalte hi Sabbath dârkâr a liam hun an nghah phawt avânga tlâi a ni tih a sawi lo hian a lehkhabu chhiartute chu Sabbath chungchâng hre sa vek tûrah a ngâi tih a lang a. Hei hian a lehkhabu chhiartute chu Sabbath serhtute an ni tih chiang takin min hrilh nghâl bawk.
Marka sawi dân chuan hemi tlâiah hian a khaw nâwtin an rawn thawk chhuak a, kawngkhâr bul vêlahte chuan an inhnawh hung mai ni tûr a ni (Marka 1:33). Isua tân pawh tihdam hna thawh chhûng a rei ve khawp ang.
“Tidamtu chu a tûk thlengin a la châm dâwn nge châm dâwn loh tih an hriat loh avângin damna beiseite chu an rawn kal belh zêl a, tihdam tawhte leh tihdam beiseite chu an insûl pêl zut zut mai a ni ber. Hemi nia thil thleng ang hi Kapernaum khua mite khân an la tawng ngâi lo va. Damna an chan tâk avânga lâwm au ri chu a ri chuah chuah mai a ni. Chhandamtu ngei pawh chu miten amah avânga lâwmnaah an lo chanah chuan a lâwm ve êm êm tho a. Amah rawn pawntute hrehawm tawrhte chu a lo hmuhin a lo lainat êm êm a, hrilhsêlna leh hlimna an lo neih theihna tûra a thiltihtheihna han hman kha nuam a ti êm êm bawk a ni.
“Isua chuan damna duha amah rawn pantu zawng zawng a tihdam kim vek hma chuan hna a thawk chhunzawm zêl a. Mipui an han \în darh fel meuh chuan zân tlâi tak a lo ni tawh a, Simona in pawh a lo reh dak ta mai. Chhûn ni rei tak, phûr taka tihdam hna a thawh hun chu a lo liam ta a, chawlh hahdam pawh a mamawh ve hle ang. Nimahsela, khawpuia chêngte an la mut tui êm êm lâi chuan “zîngah, khawvâr hma daihin a tho a, a chhuak a, thlalêr hmunah a va kal a, chutah chuan a \awng\âi ta a.”—Ellen G. White, Chatuan Nghahfâk, p. 276.
July 10
Nilaini
Isua hlawhtlinna thurûk chu
Marka 1:35–39 chhiar la. Hemi \uma thil thleng a\anga kan zir chhuah theih thil pawimawh tak takte chu eng nge ni?
Isua chu ni chhuah hma daihin a tho a, mi kal ngâi zen zen lohna thlalêr hmun rehah chuan \awng\âi tûrin a han kal a. Marka 1:35 thu hian a sawi uar duh ber chu \awng\âi pawimawhna niin, chu chu Isua pawhin a leklam ber a ni bawk. He lâi chânga thil tih sawina thumal dangte hi chu thu tlângkawmna ang deuha hman a ni hlawm a—a tho a, a chhuak a, a va kal a (hêng thumalte hi Grik \awng grammar-ah chuan aorist an tih ang chi niin, thil tih zawh tawh sawina vek a ni). Nimahsela, “\awng\âi” tih thumal erawh hi chu thil tih zawh vek tawh la ni lo, la tih chhunzawm zêl sawina a ni ve thung a. Isua kha bâng lovin a \awng\âi \hîn a, a awmzia chu, \awng\âi a tâwpsan ngâi lo tihna a ni. Tin, he lâi thu hian \awng\âi tûra a chhuah hma \hinzia pawh min hriattîr nghâl bawk a. Amah chauha \awng\âina hun a hmang tam êm êm tih kan hre thei a ni.
Chanchin |ha bu pali-ahte hian Isua kha \awng\âi mi a nihzia kan hmu a (Mat. 14:23, Marka 6:46, Joh. 17 chhiar la). |awng\âina hi a rawngbâwlnaa hlawhtlinna a chan \hin chhan pawimawh tak pakhat pawh a ni nghe nghe.
Luka 6:12 chhiar la. He lâi thu hian Isua \awng\âi nun chungchâng eng nge min hrilh?
Kristian tam tak chuan \awng\âi hun bîk an insiam a. Hetiang hi a \hat bâkah a dik êm êm bawk. Chutih rual chuan, tih dân phung pângngâi ang chauha ngaihna rilru min neihtîr thei ve tho mai a, awmze nei miah si lovin kan lo \awng\âi ve tlut tlut thei tlat. Tih dan phung ang chauha neihna tûr pumpelh theihna kawng pakhat chu a hun thlâk zauh zauh \hin a ni a; tin, \um dang âia han \awng\âi rei deuh châng nei \hîn ila a \ha hle bawk ang. A pawimawh ber chu, kan \awng\âi dân pângngâi ang chiah chiah leh kan \awng\âi \hin hunah kher kher chauh \awng\âi tumna rilru put loh a ni.
Hemi zân Petera leh a \hiante khân Isua hi a \awng\âina hmunah an va zui ve lo niin a lang a. Mahse, an va zawn hmuh mai theih dânah a \awng\âi \hinna hmun hi an hria niin a lang. Mi zawng zawngin an zawn thu an hrilh hian a hma nia a tih ang khân nasa zâwkin tihdam hna leh zirtîr hna bawk thawk leh se an ti a nih hmêl a. Nimahsela, Isuan rem a lo ti hauh lo mai. Khaw danga kal a, chûngahte chuan rawngbâwl zêl a tum zâwk a lo ni a. “Tin, ani chuan an hnênah, ‘Hêng lâi vêla khaw dangahte chuan i kal ang u, chûngahte pawh chuan thu ka hril theihna tûrin; chu chu ka lo kal chhan a ni si a’ tiin a lo hrilh a” (Marka 1:38).
Isua pawhin \awng\âi nân hun tam tak a mamawh a nih chuan, keini hian eng zâta tam nge \awng\âi nân hun kan hman ang? Isuan entawn tûr min lo hnutchhiah hian kan hnênah eng nge a sawi?
July 11
Ningani
Thurûk i vawng thei em?
Marka 1:40–45 chhiar la. He lâi thu hian Isua chungchâng leh khawtlânga pawimawhna nei ve phâk lohte a ngaihsak dân engtin nge min hrilh?
He lâi thua phâr tih hian—Thuthlung Hlui hun lâi zawng zawng pawh khân a ni tho a—tûnlâi huna phâr kan tih (Hansen’s disease) chauh hi a kâwk bîk lo va. Bible ziaktuten phâr tih sawina atâna thumal an hman hi chu “vun natna” tia lehlin theih niin, chu chuan vun natna eng chi pawh a huam thei vek a ni. Phâr natna (Hansen’s disease) hi Isua pian hma kum zabi thumna vêlah khân Israel ramah a lo lût ve \an a ni maithei a (David P. Wright and Richard N. Jones, “Leprosy,” The Anchor Bible Dictionary, vol. 4 [New York: Doubleday, 1992], pp. 277–282 chhiar ang che). Chuvângin, Marka ziaka kan hmuh phâr natna vei pawh hian Hansen’s disease a nei a ni maithei. Eng ang vun natna ber nge a vei tih chu hre thei tawh lo mah ila, a hrehawm hle ang tih erawh a chiang.
Leviticus 13 kan chhiar chuan, phâr hri vei chu mi bawlhhlawh nia ngaih a ni a; chuvângin, mi dangte bulah a khawsa ve tûr a ni lo (Lev. 13:45, 46 chhiar la). Nimahsela, he phâr hri vei hian a natna chu Isuan a tidam thei a ni tih a ring tlat a. “Tin, Isuan ani chu a lo lainat êm êm a, a lo ban a, a taksa chu a khawih a, ‘Ka duh e, lo thianghlim tawh ang che’ tiin a hrilh ta a” (Marka 1:41, NKJV). He a thiltih avâng hian tlâi lam thleng chu a bawlhhlawh rih dâwn tihna a ni a, a thianghlim leh theih nân a inbual fâi ngei tûr a ni (Leviticus 13–15 chhiar ang che). Nimahsela, Marka sawi dân chuan Isuan dam lo taksa a khawih hian dam lovin a vei phâr natna chu chawplehchilhin a lo reh ta duak a. Chuvâng chuan, Isua hi phâr hri vei taksa a khawih avângin a bawlhhlawh phah lo tih a chiang hle.
He phâr hri vei lo dam ta hi puithiam hnêna kal a, phâr hri vei lo dam taten inthen thianghlim nâna Mosian an tih tûra a lo sawi hâlral thilhlan chu (Leviticus 14) hlân tûrin a hrilh a. Chanchin |ha Marka ziakah hian Mosian a lo sawite Isuan a zawm \hatzia leh mi dangte pawh zâwm ve tûra a zirtîr \hinzia kan hmu tam hle (Marka 7:10; Marka 10:3, 4; Marka 12:26, 29–31). Hetih lâi hian sakhaw hruaitute erawh chuan, Marka 7, 10 leh 12-ahte pawh kan hmuh ang hian Mosia kal tlanga pêk dân thute chu a tum letling chiahin an kalpui \hîn ve thung a. Chutiang chu an thil tih \hin dân a nih tlat avângin Isua pawhin he phâr hri vei lo dam ta hi eng mah sawi lo tûrin a hrilh ta a nih hmêl (Marka 1:43, 44). Isuan a tihdam thu hi tlângthantîr ta nghâl mai se chuan, sakhaw hruaituten Isua thiam loh chantîrna remchâng an hmu hlauh dâwn tihna a ni si a.
Nimahsela, tihdama lo awm ta phâr hri vei-pa hi chuan a hre thiam lo rêng rêng niin a lang. Isuan a hrilh chu zâwm lovin a dam tâk thu chu hmun hrang hrangah a tlângaupui ta zâwk a, Isua tân pawh khawpuiah chuan ûalâu taka rawngbâwl theih a nih loh phah ta a ni.
Kan tih tum chhante chu \ha viau pawh lo ni se, chanchin \ha darh zau zêlna tûr kawng dâl thei thilte kan tih loh nân engtin nge kan fîmkhur ang?
July 12
Zirtawpni
Zir Zâuna: Ellen G. White-i lehkhabu ziah, Chatuan Nghahfâk phêk 266–278-a, “Kapernaum Khuaah” tih leh phêk 279–291-a, “Min Tithianghlim Thei E” tihte chhiar ni se.
Marka bung 1-a kan hmuh Isua hi eng ang mi nge ni? Isua hian zirtîr ni tûra mi sâwm theihna a nei a, chu a sâwmna chu zirtîrte hian an lo chhâng bawk. A thianghlim a, Setana thuhnuaia awm thlarau bawlhhlawhte nên chuan inang lo tak a ni. Tûnah hian sual leh \ha indo tawnna nasa leh ropui tak chu a thleng mêk a, hetah hian Isua chu ramhuaite âia thiltithei zâwk daih a ni bawk. Isua chuan damlote a lainat a, a \anpui \hîn a, tu mahin an khawih duh lote pawh a khawih mai zêl.
“Inkhâwmna ina Isuan a zirtîr \um hian a lalram thar din tûra lo kal a nih thu leh a hna chu Setana hrênga tângte chhanchhuah a nih thu a sawi a. A thu sawi lâi chu thlabâra \ê tuar tuar mai mi pakhat hian a rawn tibuai a. Chu mi â-pa chu mipui zîng a\anga lo zuang chhuakin, ‘Nazareth Isu, min awmtîr hle hle mai teh. Nang leh keiniho hian eng nge inzawmna kan neih rêng êng le? Min tiboral tûrin i lo kal em ni a? Tu nge i nih kan hria che asin, Pathian Mi Thianghlim chu i ni?’ a rawn ti a.
“A ngaihna hre lovin an buai ta nuai nuai mai le! Mipuite chuan Isua lam an en tawh lo va, a thu sawi lah an ngaihsak thei tawh hek lo. Hei tak hi Setanan inkhâwmna ina a saseh a rawn tirh luh chhan pawh a ni rêng a. Nimahsela, Isuan ramhuai chu hauvin, ‘Ngâwi hle hle la, a chhûng ata kha lo chhuak rawh’ a han ti a. A chhûnga awm ramhuai chuan chhuat lâiah a paih thlu \huai a, chumi hnu chuan ti-na miah lovin a chhûng ata a lo chhuak ta a.’ . . . Thlalêra thlêmna a tawh \uma Setana lo hneh tawhtu chu tûnah hian a hmêlmapa nên bawk an inhmachhawn leh ta. Setana lah hian a saseh sa, bêl chhûnga awm nia a ngaih tawh chu hum ngei tûrin a tih theih zawng zawng a ti a. A hum zo lo a nih vaih chuan Isua hnênah hnehna a hlân dâwn tihna a ni si. . . . Nimahsela, Chhandamtu chuan thu nei takin thu a han sawi a; tichuan, Setana sala tâng chu chhuah zalên a lo ni ta a ni.”—Ellen G. White, Chatuan Nghahfâk, pp. 270, 271.
Kan Lalpa hi a rawngbâwlnaah a buai \hîn khawp mai a, hmun hrang hrangah kal kualin mi tam tak a kâwm a. Engtin nge hetiang taka buai si, rilru fîm leh dam thlapa mi a dawnsawn zêl theih le? Ni tina \awng\âina hun a neih \hin vâng a ni tih hai rual a ni lo.
Ni tina \awng\âina hun leh Pathian Lehkhabu chhiarna hun i neih theih dân ngaihtuah la. Chumi hunah chuan Thlarau Thianghlim leh Pathian Thu-in a kaihhruai dân ang zêl chea rilru thlamuang tak neih theih tum \hîn ang che.
Sawi ho tûrte:
1. Eng vângin nge \awng\âina hi Kristiante nuna thil pawimawh tak a nih? |awng\âinain a tum leh kan \awng\âinate a lo sâwt theih dân tûr chu han sawi ho teh u.
2. Kan thurin leh kohhran chanchin te sawi tam vak loh a \hat zâwk hun a awm thei ang em? A awm thei a nih chuan eng tik hun ang nge ni ang? Chutiang chu thil finthlâk tak a nih rualin, engtin nge kan rinna hnûk hniam chuang si lovin kan tih theih ang?
3. In khawtlâng emaw, hnam emawa “phâr hri veite” chu tute nge ni? Chûng mite hnênah chuan chanchin \ha in hrilh theih nân engtin nge in kohhran khân anmahni in va “khawih” theih ang?