2024 4th Quarter Primary Zirlai 5-na

NOVEMBER  2

AWM HO LEH TA

Chhiar tûr : Genesis 45:16–47:12; 50:15–21;Thlahtubulte leh Zawlneite pp 231–240

Chângvawn : “Mi zawng zawng chungah thil tha ti ila, ringtute chungah phei chuan I ti lehzual ang u” (Galatia 6:10 NIV)

Thuchah : Ka chhûngte rawngbâwlsak tûrin Pathianin min \anpui

            A chhûngte an damlohvin Ethana chu lo pen chhuakin a nu leh pate an hahchawlh theih nân a nau chu a lo enkawl a. A nau chu chaw pein a lo tifai a. In chhûngkuaa mi dangte i \anpui ngâi em? Vawiina kan thawnthu zir tûr hi Josefan a chhûngte tâna a tih chu a ni.

Kum tam tak a awm bo hnuah pa ber Jakoba chu a nupuite leh a fa 12 te nên chuan Kanaan ramah a lo kir leh ta a. Josefa chu a fa naupang ber dawttu niin a pa duat bik a ni a. Hei vâng hian a ute chuan an hua a, Aigupta pana sumdawng kalte hnênah an hralh ta a. Aiguptaah chuan  harsatna tam tak tawk mah se Josefa chu Pathian chungah a rinawm tlat a. Pathian pawhin  Governor ni thei tûrin a \anpui a.

Ram zawng zawnga tam a lo tlak chuan Jakoba chuan buh lei tûrin a fapa sâwm chu Aigupta ramah a tîr a. Josefa chu buh hralhtu a ni a. Josefa unaute chuan tu nge a nih an hre miah lo va, mahse Josefa chuan a hria a, mahse a tâwpah chuan a inhriattîr ta a. Sala an hralh avâng khân a ngâidam dâih tawh tih a hrilh a. An chhûngkuaa enkawl a tiam a, tichuan a ute chu chanchin lâwmawm tak kengin Kanaan panin an haw leh ta a.

Pawl lian tak chu an va ni em! An tawlâilirte chuan a khatin buh a phur a. Josefa pêk kawr thar leh tângka an nei bawk. A pa tâna thilpêk phur sabengtûng tam tak an nei bawk. Aiguptaa lo kala chêng tûra Farawa sâwmna thuchah an keng bawk. Tam la tlak chhûng zawnga ei tûr chaw an chhûngkua chu pêk a tiam bawk a ni.

In an han thlen chuan an pa Jakoba chuan chanchin tha chu a awih thei lo. A fapa duat Josefa chu a la dam a maw? Khâng hun lâi zawng zawnga Josefa chu thia a lo ngaih ang khân thi loin a lo la dam maw? “In hre chiang maw?” tiin a zawn nawn reng mai. “Josefa chu a la dam tih in chiang maw? Aigupta ram governor a ni in tia maw? Min hrilh leh rawh u, han sawi leh teh u” a ti reng mai a ni.

            A tâwpa tâwpah Jakoba leh a chhûngte chu Aigupta panin an chhuak ta. Jakoba  leh a fate, a mo te, a tute nên – an zavaiin an kal a. \henkhat chu Farawan a pêk tawlâilirah nuam takin an chuang a. Jakoba  fapate chu Farawa pêk sabengtûngah te chuangin an bulah tawlâilir sirah chuan an kal bawk a. Zin kawng thui tak ni mah se an zin kawnga ei tûr hnianghnarin an nei bawk a ni. Kawng tluanin Jakoba thinlung chu hlimin a zai a. A fapa Josefa hmu leh tûrin a kal chu a ni tak si a.

            Josefa in lamah a chhiahhlawhte chuan, “I chhûngte chu an lo thleng \êp a ni” tiin chanchin lâwmawm chu an hrilh a. “Thuai, ka tawlâilir min buatsaih sak thuai teh u” tiin Josefa chuan thu a pe a, a pa tawk tûr chuan sakawrte chu an theihtâwpa chakin a tlântîr a ni. A pa hnên a thlen chuan a tlân a, a pa chu kuahin lâwm avângin an tap dun ta a ni.

A hnu deuhvah Josefa chuan a unau panga te Farawa hmu tûrin a hruai a. Farawa chuan, “Eng hna nge in thawh \hîn?” tiin a zâwt a. Josefa unaute chuan “Berâm vêngtute kan ni e” tiin an chhang a. Farawa chuan Josefa hnênah “I unaute chu Gosen–ah an awm thei ang. Chu chu ka ram tha lâi ber a ni. An duh chuan i unaute chuan ka ranrual pawh an enkawl  thei ang” a ti a.

Josefa chuan a pa chu Farawa hmu tûrin a hruai a. Jakoba, Pathian mi ropui chuan Aigupta lal ropui chu mal a sâwm a. Hemi hnu hian Jakoba leh a chhûngte chu Aigupta ramah chuan kum 17 an awm a, tichuan Jakoba chu a thi ta a. Kum 147 mi a ni.

Josefa unaute chu an lungngâi leh ta. An pa a thi ta si a, Josefan eng nge a tih ang? A chunga thil rapthlâk tak an tih avâng khân a thungrul ang em? Josefa hnêna thuchah thlen an tum ta a. “Kan pa a thih hma khân i chunga thil tha lo kan tih avâng khân min ngâidam tûrin a duh che a ni” an ti a.

Josefa chuan, “Min tihchhiat in tum a, mahse Pathian chuan thil thaah a chantîr ta a ni. In vâia \anpui thei tûr che uin min siam ta a ni” a ti a.

Pathianin in chhûngkaw rawngbâwlsak thei tûrin engtin nge a \anpui che? In ram sawrkâra mi pawimawh i ni thei kher lo vâng. Tamna lakah i chhûngte i chhanhim thei kher lo vâng. I chenpuite \anpui leh i hmangaihzia lantîr nân eng nge i tih theih? In kohhran chhûngkua pawh engtin nge rawng i bâwlsak theih ang le?

Tihtûr te :

Sabbath

• In chhûngin buh hmun emaw hlobet hmun emaw bulah kal ula. Engtin nge rante hian nun nân buh emaw hlobet emaw an mamawh ngaihtuah teh u.
• Thutna tûr zawng la, in Bible zirlâi hi chhiar la. Galatia 6:10 chhiarin a awmzia sawi ang che.
• (Sing for joy no 136) “A Happy Home” tih kha sa la, in chhûngkua avângin Pathian hnênah lâwmthu sawi ang che.

Sunday

• Chhûng inkhâwmah Genesis 45:16–18 chhiarin sawi ho ula. Josefa unauten a pa hnêna tawlâilir te, saabengtûng te, chaw leh thilpêk dang an entîr lâi lem ziak rawh.
• Josefan a unaute âia Benjamina hnêna kawr a pêk tam zâwk chhan eng nge nia i rin? Enga ti nge a unaute kha kawnga inhau lo tûra a hrilh? I chhûngte hnênah eng thilpêk nge i pêk \hîn?
• In chângvawn kha thilpêk funna lehkhaah ziah teh. Thu mal tin kha chep thla la, chawhpawlh la, rem dik leh ang che.
• Thilpêk ropui ber Isua avângin Pathian hnênah lâwmthu sawi ang che.

Thawhtânni

• In chhûngin Genesis 46 chhiar ho ula. Josefa leh a pa intawk lâi lem ziak la. An inhmuh chiah khân Jakoba leh Josefa kha engtin nge an awma i rin? Engtin nge nâng i awm?
• Bible map–ah Kanaan, Aigupta leh Gosen zawng chhuak la. Josefa chhûngte Aiguptaa an pem khân eng tiang taka hla nge an kal? In a\angin chutianga hla chu kal ve ta la, khawi nge i thlen ang?
• Vawiina zin mek tân \awng\âi ang che.

Thawhlehni

• Chhûng inkhâwmnaah Genesis 47: 1–12 chhiarin sawi ho ula. Josefa pa leh Farawa inhmu lem ziak la. Sawrkâr officer emaw, sawrkâra hna nei emaw. lal chhûngkaw member emaw i hmu tawh em?
• Lehkhapuanah in chângvawn ziak la. Ei tûr bur in hmân fo engah emaw bel la. I hmuh apiangin i chângvawn kha sawi \hîn ang che.

Nilaini

• In chhûng inkhâwmah Genesis 50:15–21 chhiarin sawi ho ula. An pa a thih khân Josefa unaute kha eng vângin nge an lungngaih? Josefa kha eng vânga tap nge nia i rin?
• Tûn lâiin eng chaw nge i ei \hîn? Chhang nge Buh lam chi? Ei tûr bawma i châng bel kha enin sawi rawh. In ei tûr dahna chhuar en la. Buh a\anga siam emaw vaimim a\anga siam eng zat nge awm? Ei tûr avângin Pathian hnênah lâwmthu sawi rawh.
• (Sing for joy no 137) “Love at Home” tih hla in sak ho lâiin i chhûngkua i ngaihsak dân ngaihtuah ang che.

Ningani

• In chhûngte nên Genesis 47:1–12 chhiar leh ula. Josefan engtin nge a chhûngte rawng a bâwlsak?
• Ran chuam enkawl tûra tihtûr pawimawh 5 ziak tlar la. Chu âia nasa zâwk i chhûngten an tihsak che ngaihtuah la. Chumi avâng chuan lâwmthu hrilh rawh.

Zirtawpni

• Rom 12, 13 chhiar ho ula. A theih chuan naktuk Sabbath nia chaw eipui tûr sâwm tum ang che.

I chhûngte tân i chângvawn sawi la, i rualin sawitîr bawk la. \awng\âi hmain chhûngkaw hla sa ula. Sabbath ni thar avângin Pathian hnênah lâwmthu sawi ang che.