Zirlai-12 2024 2nd Quarter Junior Zirlai
JUNE 22, 2024
ZIRLAI 12–NA
DUH TAK DAIRY
CHÂNGVAWN: “Chu mi avâng chuan tû pawh Kristaa a awm chuan thil siam thar a lo ni a; thil hluite chu a ral ta a; ngai teh u, a lo thar ta!” (2 Korin 5:17).
Chhiâr Tûr: 2 Korin 5:17; Kolosa 2:6, 7; Jakoba 2:14-17; Krista Panna Kâilâwn, bung 7, pp. 57-65; The Bible Story (1994), vol. 10, pp. 176-179; 196-200; Kan Thurin Bulpuite, No. 23, 22, 10.
Chakna Thû: Amâ hnêna kan thinlungte kan hlanin, Isuan kan nun min siam\hatsak \hîn.
Zirlâite Puâl: Inneihnaa tel hi thil hlimawm tak a ni. Inneihna inkhâwm leh a hnûa lawmna hi a hlimawm a; mahse inneihna thlentîr tûrin eng thilte nge ngai? Dam chhûng zawnga tû emaw hmangaih tûr chungchâng chu i ngaihtuah ngai em?Dam chhûng zawnga Isuâ hnêna inpêkna a\angin eng malsâwmnate nge kan dawn theih ang?
Duh tak Dairy,
Naktûk hi Ni Ropui tak a ni dâwn. Naktûka Marcia-i pasal nei tûr hi a taka thleng thei tûrah ka ngai thei thlâwt lo a ni e! Ka tih awmzia chu, engtin nge KUM KHA LEH CHEN ka lo chênpui tawh \hin ka ûnaunû chuan naktûka pasal neia min chhuahsan thei ang ni?
Inneihna tûr thil zir lâwk tûrin zaninah hian biak ina kan kal a ngai a. Inneihna thawmhnâwte la inbel lo vin, kan incheina pângngai kan la inbel rih dâwn a. Chutiang chunga inneih kal rema kal a, platform han chuângkâi chu a nuihzatthlâk viâu maithei a ni. Chulai hmuna kan dinna hmun tûra ruât bîka din dân tûrte chu kan zir lâwk a ngai a. Naktûka chutianga ka din vê hunah chuan, biak in khata lo kal member zawng zawngte chuan min thlîr \hup dâwn a. Chêt sual loh hrâm ka inbeisei!
Dom-a hi ka duh a, ka farnû a rû erawh hi chu ka duh chiah lo. Ni khawp mai, Marcia-i erawh chuan ani chu a ru lo tih a sawi thung a. A hmeichhia zâwk hian kal bo va, a nupuia \an a DUH a ni zâwk. Chumi chungchâng chu hun rei tak kan sawi a.
Kan bike-ahte chuângin park lamah kan kal a, thingbuk hnuaiah puânte phahin bawk chungin kan tîtî a. Marcia-i chuan inneihna hi Isuâ hnêna thinlung hlan nên inangin a sawi a. Ani sawi dân chuan, in inneih hunah chuan thil engkim mai hi a lo danglam vek mai ang. In inneih hunah chuan i pasal tâ i lo ni tawh ang a, ani pawh chu nangmâ ta puâl a lo ni tawh bawk ang. Isua i hmangaih hunin Amâ tâ i lo ni a, Ani pawh nangmâ tâ a lo ni ta \hîn a ni.
Marcia chuan nupui-pasal inneih tawh chuan, i thil tih duh ngai zen zen loh pawh i kawppui tihhlimna tûr a nih chuan i tih a lo ngai tawh ang. An duhzâwng leh tui tihzâwng anga ei-siamte zir a lo ngai a. An rimâwi ngainat zâwngte lo ngainatpui vête a ngai a. Thawmhnaw nawh mâm leh thlêng sil leh hmuhphiah chena tihte pawh. Dom-a phei chuan Marcia-in amaha a tih vê theih reng car kawngkhâr han hawnsak chenin a tihsak \hîn a ni. Chû chu Marcia-i duh dân a ni tlat a.
Ani sawi dân chuan, Isuan ti tûra min duh apiang kan ti \hîn anga thil eng eng emaw tih hi a ang ber. Keinina tih kan DUH chiah lêm loh, Amah tihhlim kan duh avâng hrim hrima kan ti \hîn ang deuh hi a ni a ti a.
A sawi zêl dânin, Isuan keini pawh hi min tihhlim A duh a. Engtik lai pawh hian malsâwmnate min vûr zui zêl a. Marcia-i sawi dân phei chuan Dom-a hi Isuâ hnên a\anga malsâwmna a dawn a nih chû!
Inneih tawh chuan, engtik lai pawha kan pasalte lama kan \an tlat a ngai tawh \hîn. Ka tih awmzia chu, mî tûte pawhin nuihza siam leh fiâmthu hmanga an bâwlzân pawhin kan kawppuite chu kan \an tlat reng tûr a ni. Chûng mîte hnênah chuan, “Hei! Khatiang khân ka pasal chungchâng ti vêl suh u!” kan ti tûr a ni.
Chutiang bawkin, tûten emaw Isua chu nuihza siam nân an hman pawhin, Ani chu kan \an tlatin, A thlavâng kan hauh \hîn tûr a ni. Amâ lama \ang in ni sî a. Chû chu thil dik leh nih dân tûr rêng niin ka ngai! In kawppuite pawhin nangmahni chu \anin, in tân an ding tlat vê tho \hîn a nî!
Maria-i chuan nupui-pasal inneih tawh hnû chuan, mahnîa thil tih duh zâwng anga in ngaih ang zawng zawng kha in tih a rem vek tawh lo. Mahnî kawhpuite hmangaihna avângin hmasial lo taka awm a ngai tawh \hîn a ni.
(KEIMA bula i awm hunah pawh CHUTIANGA i tih loh chuan a dik chiah lo vang âw!) A hnênah chuan mîin chutiang taka MIN hmangaih a nih chuan kei pawhin hmasial lo nih ka DUH vê ngêi ang tiin a hrilh a.
Tichuan Marcia-i chuan inneihnaa thil duhawm lai tak chu, mahnî hmangaih berte nêna dam chhûng hun zawng zawng kan chêng ho tûr chu a ni. Chû chu Isuâ hnêna thinlung hlan nên pawh a inang khawp mai, kumkhuâ leh chatuanin Amâ hnênah kan chêng tawh dâwn sî a. Vânramah chuan hlim leh lâwm takin kan awm reng tawh dâwn a nî!!
Mang\hâ, Diary
PS: Mîte hian nupui-pasal innei tûr hian tlêma kum puitling deuh zâwk an nih thleng an nghâk tûr niin ka ngai a. Chutih laiin, Isuâ hnêna thinlung hlân tûr erawh chuan chû chen chen nghah chu \ûl lo tûrah ka ngai thung! Chû chu thil pawimawh zâwk a ni bawk sî a!